Ганаровае званне «Заслужаны трэнер Рэспублікі Беларусь»

Ганаровае званне "Заслужаны трэнер Рэспублікі Беларусь" прысвойваецца высокакваліфікаваным трэнерам-выкладчыкам па спорце, у тым ліку якія працуюць са спартсменамі-інвалідамі не меней чатырох гадоў, — за паспяховую вучэбна-трэніравальную і выхаваўчую працу па падрыхтоўцы выбітных спартсменаў і каманд; трэнерам нацыянальных (зборных) каманд Рэспублікі Беларусь, якія маюць стаж працы з гэтымі камандамі не меней чатырох гадоў, — за непасрэдную падрыхтоўку і паспяховы выступ гэтых каманд на Алімпійскіх гульнях, чэмпіянатах, першынствах і Кубках свету і Еўропы; першым трэнерам спартсменаў, якія дасягнулі выдатных поспехаў на Алімпійскіх гульнях, чэмпіянатах, першынствах і Кубках свету і Еўропы, якія працуюць з гэтымі спартсменамі не меней двух гадоў, пачынаючы з вучэбна-трэніравальнага этапу; трэнерам спартыўных школ і арганізацый, якія раней прымалі непасрэдны ўдзел у падрыхтоўцы перададзеных у вышэйшае звяно спартсменаў, пры ўмове працы з імі не меней чатырох гадоў.