Ордэн Дружбы народаў

Ордэнам узнагароджваюцца грамадзяне за значны ўклад у справу ўмацавання міру, сяброўскіх адносінаў і супрацоўніцтва паміж дзяржавамі, кансалідацыі грамадства і адзінства народаў; за асабліва плённую дзейнасць па збліжэнню і ўзаемаабагачэнню нацыянальных культур; за высокія дасягненні ў міжнароднай грамадскай, дабрачыннай і гуманітарнай дзейнасці; за вялікі асабісты ўклад у развіццё і павелічэнне духоўнага і інтэлектуальнага патэнцыялу Рэспублікі Беларусь, актыўную дзейнасць па абароне правоў чалавека і яго сацыяльных інтарэсаў; за асаблівыя заслугі ў развіцці знешнеэканамічнай дзейнасці, дэмакратыі і сацыяльнага прагрэсу. Ордэн Дружбы народаў носіцца на шыйнай стужцы.