Медаль «За адвагу»

Медалём "За адвагу" ўзнагароджваюцца ваеннаслужачыя, асобы начальніцкага і радавога саставу органаў унутраных спраў, органаў фінансавых расследаванняў Камітэта дзяржаўнага кантролю Рэспублікі Беларусь, органаў і падраздзяленняў па надзвычайных сітуацыях і іншыя грамадзяне за асабістую мужнасць і адвагу, праяўленыя: у баявой абстаноўцы пры абароне Айчыны і яе дзяржаўных інтарэсаў; пры выкананні воінскага абавязку, службовага або грамадзянскага абавязку, ахове канстытуцыйных правоў грамадзян; пры выратаванні людзей на вадзе, падчас стыхійных бедстваў, пажараў, аварый, катастроф і іншых надзвычайных абставінаў, звязаных з рызыкай для жыцця.