Медаль «За бездакорную службу» III ступені

Медалём "За бездакорную службу" ўзнагароджваюцца ваеннаслужачыя, асобы начальніцкага і радавога саставу органаў унутраных спраў, органаў фінансавых расследаванняў Камітэта дзяржаўнага кантролю Рэспублікі Беларусь, органаў і падраздзяленняў па надзвычайных сітуацыях, службовыя асобы мытных органаў, якія бездакорна праслужылі дзесяць, пятнаццаць і дваццаць каляндарных гадоў адпаведна. Асобы, узнагароджаныя ведамаснымі медалямі СССР "За бездакорную службу", прадстаўляюцца да ўзнагароджання медалём "За бездакорную службу" чарговай ступені. Медаль "За бездакорную службу" носіцца на левым баку грудзей і пры наяўнасці іншых медалёў размяшчаецца ў парадку старшынства ступеняў пасля медаля Францыска Скарыны. Медаль "За бездакорную службу" мае тры ступені. Вышэйшай ступенню медаля "За бездакорную службу" з’яўляецца I ступень. Узнагароджанне праводзіцца паслядоўна медалём "За бездакорную службу" ІІІ, II і I ступені.